Musika

Iñar Sastre / Jagoba Astiazaran

Izenak berak dion bezala, ohorezko kontrapas edo agurrarekin jolasean aritu gara biok, lehen zatian Iñar bakarka pianoarekin, bigarrenean txistu eta pianoa elkarrekin Jagobak sorturiko txantxa gisa.

Herri dantza / Jagoba Astiazaran

J. I. Iztuetak 1824ean argitaraturiko “Guipuzcoaco dantza gogoangarrien condaira edo historia” Villancicoa izenez agertzen dena, itxuraberritua dakargu, baina duela ia 200 urte Iztueta berak jarritako hitzak aldatu gabe, gaur egunera ekar baititzakegu arazorik gabe:

“Euskal Herrietako soinu ezti izan dana beti guzien gainetik
Bilatu det lurpean sartua, bai eta ahaztua, zeren dan zahartua
Ateratu behar nuke plazara nerekin dantzara oraindik gauza da
Ikusiko da zein atsegina, bizarra urdina baina txit arina.”

Iñar Sastre

Tolosaldeko mendiari eskainiriko pieza berria, fandango erritmoan.

Iñar Sastre

Urruneko erritmoen kutsua gure dantza erritmoekin uztartuz, arin-arinarekin. Jostakina eta ezkutuko zitez betea.

Herri doinua / Jagoba Astiazaran

Goxo eta leun aurkeztu nahi izan ditugu duela ia 200 urte Iztuetak jaso zituen doinu eta hitz zaharrak. Bereziki eskaini nahi diegu Ibai eta Norari, baita diskarekin batera argia ikusteko bidean denari ere. Goxotasunez lotarazi zaitzaten.

“Haurtxo txikia sehaskan dago, ama emazu titia
Aita gaiztoa tabernan dago, pikaro jokalaria.”

Jagoba Astiazaran

Bizkaiko dantzari dantzako doinuak zortziko erritmoan desitxuraturik agertzen dira hemen. 5/8ko erritmoan sartu nahi duten zortzikoak. Izan nahi eta ezin. Ai zortziko banintz!

Herri doinua / Iñar Sastre

Eñaut Elorrietaren ahotsean euskal doinu tradizionala, ezpata dantza erritmoan emana. Sorkuntza berri batekin loturik aurkezten dugu.

“Izar ederra, zauzkit gogoan biotzeraño sarturik:
orrengatikan amoriua Aundia dizut nik zuri.
Ez tut deseo beste Indiarik Bazindauzkit lograturik
Bentatik nator, bentara noa, bentan da nere gogoa
bentako arrosak krabelinetan hartu dut amorioa
ez tut deseo beste Krabelinetan daukit amorioa.”

Ezezaguna / Joana Ortega

Txistulari zein trikitilariek sarri erabiltzen dituzten bi fandango dantzan jarri ditu Joanak, eraberritu eta gaur egunera ekarri.!

Joana Ortega

Arin-arin dibertigarri eta alaia, kutsu tradizionala izan dezakeen doinuei zuku berria atereaz. Batu gintuen Alurr dantza taldeari eskainia, bere 25. urteurrenean.

Herri dantza / Jagoba Astiazaran

Iztuetak 1824ean jaso bezala, Gipuzkoako ezpata dantza ezaguna, baina txistu eta pianorako egokitzapen berri batekin.

Iñar Sastre

Abaltzisketako ihauterietan dantzatzen den Txantxo dantzatik abiatu eta mundu klasikora eramandako sorkuntza da. Piano bakarrerako sortua.

Iñar Sastre

Ezin diska kalejirarik gabe itxi. Jira edo buelta asko ematen dituen biribilketa, Arineketan arin eta saltoka agurtzeko.

Iñar Sastre

Ezin diska kalejirarik gabe itxi. Jira edo buelta asko ematen dituen biribilketa, Arineketan arin eta saltoka agurtzeko.